Cancut Taliwanda Nyambut Ramadan
Dening: Muhammad Nashrullah Huda
(Ketua PC Lembaga Bahtsul Masail NU Jepara)
الخطبة الأولى
اَلْحَمْدُ للهِ الَّذِي فَضَّلَ أَوْقَاتِ رَمَضَانَ عَلَى غَيْرِهِ مِنَ الْأَزْمَانْ. وَأَنْزَلَ فِيْهِ الْقُرْآنَ هُدًى وَبَيِّناَتٍ مِنَ الْهُدَى وَاْلفُرْقَانْ. أَحْمَدُهُ سُبْحَانَهُ وَأَشْكُرُهُ وَأَشْهَدُ أَنْ لآ إِلَهَ إِلاَّ الله وَحْدَهُ لاَ شَرِيْكَ لَهُ وَأَشْهَدُ أَنَّ نَبِيَّناَ مُحَمَّدًا عَبْدُهُ وَرَسُوْلُهُ الَّذِي كاَنَ يَخُصُّ رَمَضَانَ بِماَ لَمْ يَخُصُّ بِهِ غَيْرَهُ مِنْ صَلاَةٍ وَتِلاَوَةٍ وَصَدَقَةٍ وَبِرٍّ وَإِحْسَانْ. اَللَّهُمَّ صَلِّ عَلَى سَيِّدِناَ مُحَمَّدٍ وَعَلَى آلِهِ وَأَصْحَابِهِ الطَّاهِرِيْنَ الَّذِيْنَ آثَرُوا رِضَا اللهِ عَلَى شَهَوَاتِ نُفُوْسِهِمْ فَخَرَجُوا مِنَ الدُّنْيَا مَأْجُورِيْنَ وَعَلَى سَعْيِهِمْ مَشْكُورِيْنَ وَسَلِّمْ تَسْلِيْماً كَثِيْراً إلَى يَوْمِ الدِّينْ .
أَمَّا بَعْدُ : فَياَ عِباَدَ الله …. أُوْصِيْكُمْ وَنَفْسِي بِتَقْوَى الله فَهِيَ جِمَاعُ الْخَيْرِ كُلِّهِ فَاجْعَلُوا بَيْنَكُمْ وَبَيْنَ عَذَابِ اللهِ وِقَايَةً بِفِعْلِ الْأَوَامِرِ وَتَرْكِ النَّوَاهِي .قال تعالى :{يآ أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيْراً وَنِسآءً وَاتَّقُوا اللهَ الَّذِي تَسآئَلُوْنَ بِهِ وَالْأَرْحَام إِنَّ اللهَ كاَنَ عَلَيْكُمْ رَقِيْباً{
Ma’asyiral muslimin jamaah jum’ah ingkang minulya
Wonten kesempatan ingkang sae punika sumangga sesarengan kitha aningkataken raos ajrih kitha dateng Ngarsa Dalem Allah Subhanahu Wata’ala kanti estu-estu anggenipun kitha ngelampahi punapa ingkang sampun dipun perintah dening Allah ugi anebihi punapa ingkang dipun larang dening Allah, kanti mekaten mugi-mugi kitha sedaya pikantuk ridhanipun Allah SWT, amin Ya Robbal Alamin.
Ma’asyiral muslimin jamaah jum’ah ingkang minulya
Sekedhap malih kitha badhe kerawuhan wulan ingkang minulya, wulan ingkang Allah Subhanahu Wataala nikelaken pinten-pinten amal kesaenan, inggih punika wulan Ramadan. Menyambut Ramadan punika panjenenganipun Habib Zain bin Sumaith Hafidzahullah paring wasiat dumateng kitha sedaya :
أُوْصِيْكُمْ بِالْمُحَافَظَةِ عَلَى ثَلَاثَةِ أَشْيآءَ :
أَوَّلاً : بِالْمُحَافَظَةِ عَلَى الصِّيَامِ مِثْلَ مَا تُحَافِظُوْنَ عَلَى الْجَوَاهِرِ. وَمَعْنَى الْمُحَافَظَةِ عَلَى الصِّيَامِ أَيْ اَلْمُحَافَظَةُ عَلَيْهِ مِنَ الْمُفْطِرَاتِ الْحِسِّيَّةِ وَمِنَ الْمُحْبِطَاتِ الْمَعْنَوِيَّةِ.
Panjenenganipun Habib Zain bin Sumaith wasiat dumateng kitha sedaya supados kitha ngreksa 3 (tiga) perkawis. Ingkang kaping sepisan, kitha supados saget ngreksa siyam kados anggenipun kitha ngreksa perhiasan. Ngreksa siyam saking sedaya perkawis ingkang saget batalaken lan saking perkawis ingkang saget nglebur ganjaranipun. Perkawis ingkang saget batalaken siyam kados dahar, ngunjuk, kempal garwo wonten rintenipun wulan Ramadan lan lintu-lintunipun. Perkawis ingkang saget nglebur ganjaranipun siyam kados goroh, ngrasani, poropadu, ngendikan awon lan sedaya ingkang dipun sengiti dening Allah Ta’ala. Perkawis punika mboten batalaken siyam ateges mboten kewajiban qadla’, ananging siyam ingkang dipun lampahi namung arupi rekasa tanpa faedah keranten mboten wonten ganjaranipun.
Wonten setunggal hadits Rasulullah SAW ngendikan :
كَمْ مِنْ صَائِمٍ لَيْسَ لَهُ مِنْ صِيَامِهِ إِلَّا الْجُوْعُ وَالْعَطْشُ وَكَمْ مِنْ قَائِمٍ لَيْسَ لَهُ مِنْ قِيَامِهِ إِلاَّ التَّعَبُ وَالسَّهَرُ
“ Kathah tiyang ingkang sami siyam ananging mboten pikantuk punapa-punapa kejawi ngeleh lan ngorong. Lan kathah tiyang ingkang sami jungkung wengi ananging mboten pikantuk punapa-punapa kejawi kesel lan karipan “.
اَلثَّانِي : بِالْمُحَافَظَةِ عَلَى الْقِيَامِ فِي رَمَضَانَ.
وَمَعْنَى الْقِيَامِ فِي رَمَضَانَ أَيْ اَلْمُحَافَظَةُ عَلَى التَّرَاوِيْحِ مِنْ أَوَّلِ لَيْلَةٍ فِيْهِ إِلَى آخِرِ لَيْلَةٍ مَعَ الْمُحَافَظَةِ عَلَى صَلَاةِ الْجَمَاعَةِ خُصُوْصًا اَلْعِشَاءِ وَالْفَجْرِ. فَمَنْ حَافَظَ عَلَى ذَلِكَ فَقَدْ أَخَذَ حَظَّهُ مِنْ لَيْلَةِ الْقَدْرِ.
Ingkang kaping kalih, kitha supados saget ngreksa njumenengi wonten dalunipun wulan Ramadan kanti ngreksa shalat tarawih mulai saking kawitanipun wulan ngantos akhir wulan Ramadan sartha ngreksa anggenipun ngelampahi shalat fardlu kanti berjamaah, langkung-langkung ngreksa shalat jamaah isya’ lan subuh. Sinten tiyangipun ingkang saget ngreksa perkawis kasebat mangka badhe pikantuk bagian saking lailatul qadar.
اَلثَّالِثُ : أَنْ تَتَعَرَّضُوا لِنَفَحَاتِ اللهِ
Ingkang kaping tiga, kitha supados ngupayaaken kanti maksimal punapa ingkang sampun dipun paringaken dening Allah dumateng kitha. Punika saget dipun lampahi kanti nemen-nemeni lan cancut taliwondo ing ndalem numrih ridlanipun Allah Ta’ala. Awak kawula lan panjenengan sami supados dipun pekso ngelampahi ibadah punapa kemawon wonten sak lebetipun wulan Ramadan punika. Kitha kedah berusaha ngicali lan mbuang sedaya perkawis ingkang saget ngalang-ngalangi temurunipun rahmatipun Allah Ta’ala. Lisan kitha supados dipun ginaaken kagem wiridan lan maos dzikiran wonten sak lebetipun wulan Ramadan. Suku kitha supados dipun ginaaken tindak wonten majlis pengaosan, hadir wonten majlis ilmu. Wonten setunggal hadits Rasulullah SAW ngendikan :
مَنْ حَضَرَ مَجْلِسَ عِلْمٍ فِي رَمَضَانَ كَتَبَ اللهُ لَهُ بِكُلِّ خَطْوَةٍ عِبَادَةَ سَنَةٍ
“ Sinten tiyangipun ingkang kersa rawuh wonten majlis ilmu sak perlu bibinahu mangka Allah bade nyatet kelawan saben-saben jangkah ibadah setunggal tahun “
Ma’asyiral muslimin jamaah jum’ah ingkang minulya
Mugi-mugi kanti ngreksa dateng perkawis-perkawis kasebat kitha sedaya dipun golongaken wonten kawulanipun Allah ingkang dipun tampi amalipun sehingga sak bakdanipun Ramadan kitha saget resik saking sedaya perkawis ingkang ngotori awak kitha lan awak kitha saget kebak pepaes kanti rahmat lan ridlanipun Allah Subhanahu Wataala, amin ya rabbal ‘alamin.
